NOTE: THIS SITE IS UNDER CONSTRUCTION.
Apay nga 'Ilocano Online'?
Gandat ti Ilocano Online ti panangasicaso cadagiti sumagmamano a casapulan ni Ilocano. Agsipud ta agservi ti literatura ti maysa a puli cas sarming ti biag, cultura ken pagsasao daytoy, masapul:
(a) nga urnongen, urnosen ken ilebben ti Literatura Ilocana iti forma a nalaca a sapulen, ucagen 24/7 iti Internet,
(b) nga itden ti umno a panangtaming iti panagrang-ay ken pannacataginayon ti pagsasao nga Ilocano, cangrunaan ti panangusar iti Ilocano cas maysa cadagiti pagsasao a maaramat iti panangisuro cadagiti ubbing tayo cadagiti escuela iti Ilocandia manipud primaria agingga iti secondaria, ken
(c) ti panangatupag iti pannacaiwaras dagiti damdamag ken paspasamac maipapan iti Cultura Ilocana iti Ilocandia ken cadagiti nagramut payen a communidad ni Ilocano cadagiti nadumaduma a suli ti lubong.
Agpaay ti Ilocano Online a mangipatalged iti aglaylayon a panagbiag iti pagsasao nga Ilocano iti panangsaranget iti nabuslon a panangiduron ti govierno iti Ingles ken Filipino cas pagsasao a maaramat iti panangisuro cadagiti escuela primaria ken secundaria segun ti Presidential Executive Order # 210 of May 17, 2003, a naimplemento babaen ti DepEd Memo. #189 of June 2003 ken DepEd Order #36 of Aug. 22, 2006, a nangikeddeng:
a) Maisuro ti Ingles cas maicadua a pagsasao manipud Grade I;
b) Segun ti 2002 Basic Education Curriculum, mausar ti Ingles cas medium of instruction iti English, Mathematics ken Science and Health manipud Grade III; ken
c) Mausar ti Ingles cas primary medium of instruction iti amin nga escuela secundaria, publico wenno privada, agraman dagiti naipasdec a laboratory ken/wenno experimental schools, ken vocational/technical institutions. Cas primary medium of instruction, saanto a nacurcurang ngem 70% ti dagup ti time allotment iti panagadal ti pacausaran ti Ingles (English, Science, Mathematics, Technology & Livelihood Education, Music, Arts, PE & Health and Citizenship Advancement Training) manipud First Year agingga Fourth Year.
Filipino, ti nailian a pagsasao, ti maaramat a medium of instruction iti nabati a 30% a pacairamanan ti Filipino, Araling Panlipunan ken Edukasyon sa Pagpapahalaga.
Nalawag a dagiti ordenes ti govierno iti ngato ket maisalungasing iti Sec. 7, Art. 14 ti 1987 Constitution a mangikeddeng a "The regional languages are the auxiliary official languages in the regions and shall serve as auxiliary media of instruction therein."
(Article to be continued.)
Click here for the English version. Back to the Top